الفكرة احتمال، والمنتج هو الشي اللي بنيته، والعرض هو السبب الواضح اللي يخلي شخصًا معيّنًا يشتري الحين. في هذه الحلقة، يوضح خالد الزنكي ليش تخلط مشاريع وايد بين هالثلاثة، وليش كثرة المميزات والباقات ما تعني إن العميل فاهم شنو راح يشتري.
في هذه الحلقة
يحكي خالد الزنكي قصة شركة تقدم نظامًا تقنيًا بنموذج SaaS للشركات اللي تعتمد على Excel وطرق تشغيل تقليدية. الشركة قضت سنوات في بناء المنتج وتطوير مميزاته وباقاته، لكن العملاء كانوا ينهون الاجتماعات بجملة: «بنفكر بالموضوع.»
المشكلة ما كانت في غياب المنتج. العرض نفسه ما كان يوضح للعميل شنو المشكلة اللي يحلها، شنو النتيجة اللي راح يحصل عليها، وليش المفروض يغيّر طريقته الحالية في العمل.
أبرز ما ستسمعه
- الفرق بين الفكرة، المنتج، والعرض.
- ليش عرض كل المميزات والباقات يشتت العميل بدل ما يقنعه.
- الأسئلة الأربعة اللي لازم يجاوب عليها أي عرض واضح.
- الفرق بين محاولة الظهور بمظهر ذكي وبين التواصل بوضوح.
- طريقة عملية لاختبار عرضك مع شخص ما يعرف مشروعك.
المتحدث
خالد الزنكي مؤسس إطلاق للإستشارات، استراتيجي إطلاق ورائد أعمال يساعد المؤسسين وقادة الأعمال على تحويل الأفكار إلى قرارات أوضح وإطلاقات قابلة للتنفيذ والتكرار.